Вы здесь
Музыкальна-спартыўнае лета ў садку №3 Общество 

Музыкальна-спартыўнае лета ў садку №3

Лета — гэта выдатная пара, якую любяць і чакаюць усе без выключэння, і дарослыя, і дзеці. Асабліва цудоўная ўлетку прырода — шуміць зялёным лісцем лес, паспяваюць ягады, расцвітаюць самыя дзіўныя кветкі, над якімі лётаюць пчолкі і збіраюць нектар. Можна бясконца шпацыраваць па квітнеючых сенажацях і любавацца на сціплыя белагаловыя рамонкі ці плесці вянкі з дзьмухаўцоў. Усё вакол ажывае, пачынаючы ад самай маленькай мурашкі да самай маленькай травінкі. Улетку пачынаеш верыць у чараўніцтва і выкананне жаданняў.
Насычана і цікава праходзіць лета ў дзіцячым садку №3. На мінулым тыдні выхавацелямі старэйшых груп №1 і №2 Святланай Дземідзенка, Ірынай Балухцінай, музычнымі кіраўнікамі Раісай Рафеенка і Вольгай Піўчанка, а таксама кіраўніком па фізвыхаванню Наталляй Еўдакіменка для дзяцей было падрыхтавана музычна-спартыўнае свята “Прывітанне, лета!”. Рабяты спаборнічалі ў спрыце і шпаркасці ў разнастайных конкурсах і эстафетах летняй тэматыкі: “Хмарка і сонейка”, “Збяры кветку”, “Пчолкі”, “Конікі”, ”Павучкі”, Мёд у вядзерца” і інш. Дзеткам вельмі спадабалася рабіць кветкі з рознакаляровых пялёсткаў, весела прыгаць, лятаць, як сапраўдныя пчолкі і “збіраць мёд з кветак”. А яшчэ вельмі цікава было вадзіць карагод з сонейкам і спяваць песенкі: “Дожджык”, “Лета прыйшло”, “Вясёлка”. Конкурсы і песні пра лета дазволілі рабятам яшчэ больш акунуцца ў любімую пару, паўтарыць вядомае і даведацца аб новым.
Лета — сапраўды, дзіўная пара года, якую чакаеш зноў і зноў. І з года ў год радуешся таму ж сонейку, тым жа кветкам, расе і дожджыку. Вельмі запомніцца гэта лета дзеткам старэйшых груп садка №3. Гэты час для іх сапраўды асаблівы, бо зусім хутка яны развітаюцца з любімым садам, свае дзверы для іх адкрые школа. Але яны яшчэ доўга будуць успамінаць гэтыя дзянькі, як самыя лепшыя.
Вольга МІРАВА

1 Звезда2 Звезды3 Звезды4 Звезды5 Звезд (Пока оценок нет)
Загрузка...

Похожие записи

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Return to Top ▲Return to Top ▲