Вы здесь
У садку мы не сумуем —  А гуляем і сябруем Общество 

У садку мы не сумуем — А гуляем і сябруем

Любое свята ў дзіцячым садку №3 — гэта заўсёды весела, цікава, ярка. Штодзённа тут запланаваны рознатэматычныя гульні і мерапрыемствы. Напрыклад, на мінулым тыдні рабят старэйшай групы №1 чакала чарговае займальнае спаборніцтва “Кліч джунгляў”, у якім прынялі ўдзел выхаванцы з іншых груп.

Дзве каманды “Драпежнікі” і “Траваедныя” спаборнічалі ў розных эстафетах, але напачатку выхавацелі расказалі рабятам аб джунглях, жывёлах, якія там жывуць. Потым выхаванцы і самі змаглі ператварыцца ў розных звяроў і паспаборнічаць у хуткасці і кемлівасці. Дзеткі паспрабавалі ператварацца ў розных жывёл: скакалі як малпачкі, перадавалі па кругу страусавае яйка, палявалі прабіраючыся праз ліяны, складвалі пазлы з жывёламі, мераліся сіламі, а падчас музычных паўз танчылі з выхавацелем “Вясёлую звяробіку” і слухалі песні ў выкананні рабят з іншых груп. У адным конкурсе перамагала адна каманда, у наступным — другая, а за ходам гульні ўважліва сачыла кампетэнтнае журы. У выніку – перамагло сяброўства, усе ўдзельнікі атрымалі ўзнагароду — бурныя апладысменты, шмат пазітыву і салодкія ласункі. А для выхавальнікаў і балельшчыкаў узнагародай сталі ўсмешкі ўдзельнікаў мерапрыемства.


— Значэнне рухомых гульняў для дашкольнікаў складана пераацаніць, паколькі гэта выдатная магчымасць дапамагчы дзіцяці развівацца ўсебакова на фізічным, сацыяльным, эмацыйным узроўнях. Менавіта гульні ў дзіцячым садку фарміруюць характар, развіваюць у дзетак кемлівасць. Трэба памятаць, што гульня дастаўляе дзіцяці сапраўдную радасць, якая глыбока пранікае ў душу і застаецца там назаўжды, — напрыканцы пракаменціравала кіраўнік фізічнага выхавання дзіцячага садка Наталля Еўдакіменка.

Вольга ЗАЙЦАВА

 

1 Звезда2 Звезды3 Звезды4 Звезды5 Звезд (Пока оценок нет)
Загрузка...

Похожие записи

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Return to Top ▲Return to Top ▲