Вы здесь
На пасяджэнні выканкама вызначаны тэрміны завяршэння рамонтных работ сельскагаспадарчай тэхнікі Экономика 

На пасяджэнні выканкама вызначаны тэрміны завяршэння рамонтных работ сельскагаспадарчай тэхнікі

Адбылося чарговае пасяджэнне выканаўчага камітэту пад кіраўніцтвам старшыні райвыканкама Дзмітрыя Рубана, пад час якога было разгледжана пытанне аб пастаноўцы сельскагаспадарчай тэхнікі на доўгае захоўванне, забеспячэнне яе захаванасці і падрыхтоўцы да палявых работ 2019 года.
Нягледзячы на тое, што каляндарная зіма толькі ўступіла ў свае правы, для аграрыяў ужо настаў час падумаць пра будучыню: пра ўраджай і прадукцыю жывелагадоўлі, якія немагчыма атрымаць без тэхнікі, занятай на сяўбе і нарыхтоўцы кармоў.
Таму на пасяджэнні ўжо вызначаны тэрміны завяршэння рамонтных работ: да 1 сакавіка тэхнікі, занятай па пасяўных работах; да 1 красавіка – занятай на корманарыхтоўцы; да 1 чэрвеня – занятай на ўборцы збожжавых і зернебабовых; да 1 ліпеня – занятай на ўборцы лёну; да 1 верасня – занятай на ўборцы бульбы.
Кіраўнік раена акцэнтаваў асаблівую ўвагу на пытаннях захаванасці трактароў і камбайнаў, якія павінны быць замацаваныя за адказнымі асобамі — не толькі за загадчыкамі майстэрнямі, галоўнымі інжынерамі, але і за канкрэтнымі механізатарамі. Таксама ен даў даручэнне ў самыя кароткія тэрміны стварыць умовы ў рамонтных памяшканнях – зрабіць майстэрні ацяплянымі. “Людзям, занятым на рамонце, у некаторых аграпрамысловых прадпрыемствах цяпер даводзіцца працаваць у халодных памяшканнях. Гэта недапушчальна. Паспрабуйце самі ў мароз на вуліцы «важдацца з жалезам», — звярнуўся Дзмітрый Міхайлавіч да кіраўнікоў сельгаспрадпрыемстваў. Да гэтай працы павінны падлучыцца і прафсаюзы.
Акрамя таго, старшыня райвыканкама зрабіў акцэнт на пытанні бяспекі, каб у перспектыве ўся тэхніка была забяспечаная светлавой сігналізацыяй, а таксама даручыў прапрацаваць пытанне фармавання рэзерву паліва, каб без праблем пачаць пасяўную. «Надвор’е ў апошнія гады часта падносіць сюрпрызы. Пасяўныя работы могуць пачацца як у сакавіку, так і ў сярэдзіне красавіка. Мы павінны быць гатовымі да любога варыянту. Каб не выпусціць агратэхнічныя тэрміны сяўбы, за зімовы перыяд неабходна сфармаваць мінімальны запас паліва», — паставіў задачу Дз. М. Рубан.
Дзмітрый Хайноўскі, першы намеснік старшыні райвыканкама, начальнік райсельгасхарча, таксама даў даручэнне ў двухтыдневы тэрмін падрыхтаваць тэхніку, якая будзе занятая на ўборцы снегу. «У выпадку моцнага снегападу мы павінны быць гатовыя падставіць плячо УКП «Жылкамгас», каб прыбраць не толькі свае аб’екты, але і сельскія населеныя пункты», — сказаў Дзмітрый Віктаравіч.

Ганна МАВІЧ

Если вы нашли ошибку, пожалуйста, выделите фрагмент текста и нажмите Ctrl+Enter.

1 Звезда2 Звезды3 Звезды4 Звезды5 Звезд (Пока оценок нет)
Загрузка...

Похожие записи

Оставить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.

Return to Top ▲Return to Top ▲

Сообщить об опечатке

Текст, который будет отправлен нашим редакторам: