Хотимск встречал первенство области по мини-футболу
17.12.2019
Техника льнозавода ставится на зимнее хранение… с весны
17.12.2019
Показать все

Хоцімшчына паміж мінулым і сучаснасцю

Калі ў мінулым годзе ў нашым раёне ўпершыню прайшла краязнаўчая канферэнцыя «Хоцімшчына: мінулае і сучаснасць», ініцыятарам якой выступіў аддзел ідэалагічнай работы, культуры і па справах моладзі райвыканкама, ні ў каго з прысутных выступоўцаў не ўзнікла сумненняў, што яна абавязкова знойдзе працяг, і нават стане традыцыйнай на нашай гасціннай хоцімскай зямлі. Так і адбылося. І ў чарговы раз педагогі, вучні, аматары і даследчыкі, і ўсе тыя, каму неабыякава гісторыя і будучыня нашага краю, зноў сабраліся ва ўтульных сценах цэнтральнай бібліятэкі, каб распавесці аб цікавых фактах, якія калісьці мелі месца быць на нашай малой радзіме.

Адразу хочацца адзначыць, тэмы 11 выступоўцаў суправаджаліся разнапланавасцю, навізной зместа, мультымедыйнымі прэзентацыямі, завочнымі падарожжамі па родных мясцінах і былі прысвечаны гісторыі і культуры Хоцімшчыны, славутым асобам, адукацыі, краязнаўчай спадчыне Хоцімскага краю. Прыемна, што з кожным годам у мерапрыемстве актыўна прымае ўдзел маладое пакаленне, нашы юныя таленты, працягваюць лепшыя справы і традыцыі землякоў, ствараюць творчыя праекты, здзяйсняюць новыя адкрыцці.
Гісторыя – гэта ў першую чаргу людзі, менавіта аб знакамітых асобах ішла гаворка ў гэты дзень, якія сваёй дзейнасю праславілі свой край: Якаў Шарабурка, Святлана Тарасава, Міхаіл Піліпенка і інш. У дадзеным накірунку плённа працуе і наш калега-журналіст Аляксандр Александрын, дзякуючы яго намаганням з кожным разам адкрываюцца ўсё больш цікавыя вехі гісторыі нашага прыбесядскага краю.
Сярод запамінальных і яркіх можна адзначыць выступленне пастаяннага спікера мерапрыемства, аспіранта кафедры гісторыі Беларусі і сярэдніх вякоў БДУ Аляксандра Пруднікава аб гісторыі аднаго крадзяжу ў хоцімскім маёнтку. Крыху дэтэктыўная гісторыя паўсядзённасці з жартоўнымі момантамі набірае ўсё больш цікавасці ў сучаснасці. Аляксандр Аляксандравіч прызваў прысутных не быць абыякавымі да гісторыі сваёй радзімы і не проста высвятляць белыя плямы мінулага, але і імкнуцца як мага больш даведацца пра сваіх землякоў і перадаць веды сваім паслядоўнікам. Таксама ён заверыў прысутных у неабходнасці выдання зборніка па матэрыялах прайшоўшых канферэнцый, які будзе выдадзены пад яго чулым кіраўніцтвам.
Творча, паслядоўна вывучаюць ваенную гісторыю свайго краю настаўнік гісторыі Забялышынскай СШ Мікалай Каткоў (на фота) і яго былая вучаніца, цяпер таксама выкладчык гісторыі Таццяна Барыбкіна, якая выступіла з тэмай «Станаўленне дашкольнай адукацыі ў а/г Забялышын». Акрамя таго Мікалай Васільевіч прапанаваў прысутным патрымаць ў руках цікавыя рэчы – сведкі далёкіх ваенных гадоў.
Час няўмольна бяжыць наперад, вельмі хутка сучаснасць становіцца гісторыяй, усё менш застаецца людзей, якія могуць распавесці аб мінулым. Падобныя мерапрыемствы важныя тым, што знікаюць прабелы ў гісторыі малой радзімы і адкрываюцца новыя факты. А каб не страціць сувязь пакаленняў, трэба даследаваць, збірацца і ствараць нашу гісторыю.
Вольга Зайцава

Если вы нашли ошибку, пожалуйста, выделите фрагмент текста и нажмите Ctrl+Enter.

1 Звезда2 Звезды3 Звезды4 Звезды5 Звезд (Пока оценок нет)
Загрузка...
0

Автор публикации

не в сети 1 час

hotimsk

899999K
flagБеларусь. Город: Хотимск
Комментарии: 0Публикации: 5324Регистрация: 10-01-2018

Добавить комментарий

Войти с помощью: 

Этот сайт использует Akismet для борьбы со спамом. Узнайте как обрабатываются ваши данные комментариев.

Авторизация
*
*
Войти с помощью: 
Регистрация
*
*
*
captcha
Войти с помощью: 
Генерация пароля

Сообщить об опечатке

Текст, который будет отправлен нашим редакторам: