9 снежня споўнілась 130 гадоў з дня нараджэння Максіма Багдановіча – класіка беларускай літаратуры, аднаго са стваральнікаў нацыянальнай мастацкай літаратуры, паэта, празаіка, гісторыка літаратуры і літаратурнага крытыка, публіцыста, перакладчыка.

Аб мерапрыемствах, якія прайшлі з гэтай нагоды распавялі Тацьяна Ўласенка, дырэктар дзяцячай бібліятэкі, Любоў Кляцова бібліятэкар Трасцінскай бібліятэкі і Аляксандра Хрупакова, бібліятэкар Бяседавіцкай бібліятэкі флоры і фауны.
Так з нагоды 130-годззя са дня нараджэння Максіма Багдановіча бібліятэкары дзічячай бібліятэкі-філіяла завіталі ў СШ № 1 ў 4 «А» клас і правялі для навучэнцаў урок прысвячэнне «Геній зямлі беларускай»
Пазнаёмілі вучняў з жыццём і творчасцю Максіма Багдановіча, прачыталі вершы пісьменніка і расказалі аб чым яго вершаваная гісторыя
«Мушка-зелянушка і камарык-насаты тварык». Дзеці з задавальненнем і інтарэсам слухалі бібліятэкараў і паабяцалі прыйсці ў бібліятэку па кнігі Максіма Багдановіча.
Да юбілея класіка беларускай літаратуры бібліятэкарам Трасцінскай сельскай бібліятэкі была падрыхтавана літаратурная вечарына «Максім Багдановіч… Гонар і слава беларускай літаратуры» і распрацавана віртуальная выстава «Святло паэзіі Максіма Багдановіча».
Удзельнікі вечарыны, пазнаёміліся з жыццём і творчасцю класіка, чыталі і слухалі яго паэтычныя творы, вершы, пакладзеныя на музыку ў выкананні ансамбля «Песняры», адказвалі на пытанні пазнавальнай віктарыны. З дапамогай віртуальнай выставы прысутныя ўспомнілі зборнікі паэта «Вянок», «Шыпшына», «Выбранае», «Выбраныя творы» і інш., а таксама пазнаёміліся з літаратурай аб жыцці і літаратурнай дзейнасці Максіма Багдановіча, якая маецца ў фондзе бібліятэкі.
Паэтычны вечар пад назвай «І зорка гарыць, і не вяне вянок…», правяла бібліятэкар Бяседавіцкай бібліятэкі флоры і фауны Аляксандра Хрупакова да юбілею паэта. У час мерапрыемсва прагучала шмат цудоўных вершаў Максіма Багдановіча – «Слуцкія ткачыхі», «Вераніка», «Зорка Венера», якія былі напоўнены вобразамі-сімваламі роднага края, якія адрозніваюцца тонкім музыкальным гучаннем. У бібліятэцы была аформлена выстава «Паэт красы і гармоніі».

Соб. інформ.