Рэдакцыяй часопіса “Роднае слова” сумесна з Саюзам пісьменнікаў Беларусі ў сакавіку быў аб’яўлены рэспубліканскі конкурс навукова-даследчых і творчых работ “Тут родныя трымаюць карані”, прымеркаваны да Года малой радзімы.

Iніцыятыва ўстановы «Рэдакцыя часопіса “Роднае слова”» была скіравана на захаванне духоўна-маральных каштоўнасцей у грамадстве, гісторыка-культурнай спадчыны народа, культуры сямейных адносін; грамадзянска-патрыятычнае выхаванне і развіццё навукова-даследчых і творчых здольнасцей сярод настаўнікаў, навучэнцаў, студэнтаў і працоўнай моладзі нашай краіны.
Вельмі прыемна, што адгукнуліся ўсе рэгіёны нашай Беларусі (на конкурс было даслана 289 работ). А гэта сведчыць пра ўвагу да роднай мовы і літаратуры, увогуле, да чытання кніг, цікавасць да творчасці як пісьменнікаў класікаў, так і да сучасных творцаў, занепакоенасць праблемаю зберажэння духоўнай беларускай спадчыны.
Алена Корнева, настаўнік беларускай мовы і літаратуры СШ №1, прыняла ўдзел у конкурсе ў намінацыі “Край мой родны, край прыгожы” і па яго вынікам узнагароджана Дыпломам III ступені за даследчую работу “Услаўляючы край і зямлю”, якая была прысвеча жыццёваму і творчаму шляху архімандрыта Кірыла. Да слова, усяго на суд журы ў гэтай намінацыі было прадстаўлена 158 матэрыялаў.

Дар’я БАРЫСАВА.
Здымак аўтара