“Роднаму слову – прызнанне ў каханні.” Пад такім дэвізам прайшоў Тыдзень беларускай мовы і літаратуры ў Бярозкаўскай  сярэдняй школе з 9 па 14 лютага.

 Гэтыя словы сталі зваротным заклікам да ўсіх удзельнікаў мерапрыемстваў, спланаваных у рамках Тыдня беларускай  мовы і літаратуры. Кожны дзень   быў напоўнены змястоўнымі і цікавымі мерапрыемствамі. Школьнікі прынялі  ўдзел у розных  віктарынах,  спаборніцтвах, інтэлектуальных гульнях — конкурсах: “БелаВеды”, ”Слова роднае – вечнасці след”, “ Скарбы народнай мудрасці, “ Падарожжа па роднай Беларусі. Вучні  з захапленнем разгадвалі загадкі, шарады і метаграмы, адпраўляліся ў віртуальнае падарожжа, праглядалі відэаролікі, у якіх пераносіліся ў розныя куткі Беларусі, спаборнічалі ў правільным напісанні слоў, паказвалі сваё маўленчае майстэрства. Падчас конкурсу школьнікі яшчэ раз змаглі дакрануцца да багацця роднага слова, залацінак беларускай мовы, тым самым папоўніць свой слоўнікавы запас. 

Тыдзень беларускай мовы і літаратуры  нікога не пакінуў абыякавым. І, хочацца спадзявацца, паспрыяў развіццю цікавасці, павагі да роднай мовы, літаратуры, нацыянальнай культуры беларускага народа.

                                                                      Таццяна Мамчанка,

                                             настаўнік беларускай мовы і літаратуры

                                                                    Бярозкаўскай СШ