Невялікае хваляванне адчуваецца, але атмасфера на Бяседавіцкім выбарчым участку № 60 добразычлівая і садзейнічае таму, каб усё прайшло на належным узроўні. Старшыня камісіі Аляксандра Хрупакова тлумачыць юнаку ўсе правілы дадзенай працэдуры. Здаецца, нічога складанага, але Аляксей разумее, што нават яго адзін голас можа аказацца вырашальным на прыняцце канчатковага рашэння. Пакуль ён робіць сур’ёзны выбар, размаўляю са старшынёй камісіі, якая на працягу многіх гадоў узначальвае работу на дадзеным участку .
– Датэрмінова ў а/г Бяседавічы прагаласавала ўжо парадка 20%.Выбары праходзяць спакойна, камісія не мае ніякіх заўваг і працуе ў адпаведнасці з усімі правіламі выбарчай кампаніі. Непасрэдна 17 лістапада членамі камісіі ажыццяўляецца выезд на дом к той катэгорыі грамадзян, якая не можа з’явіцца на ўчастак самастойна. Прадуманы ўмовы і для людзей з абмежаванымі магчымасцямі: ёсць пандус, асобная, больш утульная кабінка для галасавання, – дзеліцца Аляксандра Пятроўна.
А за гэты час ужо і прыняў рашэнне Аляксей Аляксандравіч. І спецыяліст сельскагаспадарчай галіны спадзяецца, што зроблены ён правільна і яго прыбесядскі край у хуткім часе стане яшчэ прыгажэй і лепш. Першы сакратар «БРСМ» Вольга Рэўсава ўручае юнаку інфармацыйныя буклеты актуальнай тэматыкі, жадаючы, каб усе намечаныя планы абавязкова спраўдзіліся, і каб ён быў сапраўдным патрыётам сваёй малой радзімы.
Вольга Зайцава