У рамках 1-га этапу рэспубліканскай акцыі «Дзень бяспекі. Увага ўсім!», Прысвечанай Сусветнаму дню грамадзянскай абароны работнікі Хоцiмскага раённага аддзела па надзвычайных сітуацыях сустрэліся з жыхарамі інтэрнатаў.

З мэтай фарміравання культуры бяспекі жыццядзейнасці ў галіне абароны ад надзвычайных сітуацыях прыроднага і тэхнагеннага характару ў пачатку сустрэчы выступіў старшы інспектар інспекцыі нагляду і прафілактыкі Папелыш Сяргей Яўгенавіч. Ён давёў коратка статыстыку пра пажары ў Хоцімскім раёне і адразу перайшоў на іх прычыны. Таксама падрабязна разабраў, як здараюцца пажары пры неасцярожным абыходжанні з агнём.

Затым гутарку працягнуў інспектар сектара прапаганды і ўзаемадзеяння з грамадскасцю, які пазнаёміў жыхароў інтэрната з сігналамі грамадзянскай абароны, навучыў правільным дзеянням пры падачы сігналу «Увага ўсім!». Таксама нагадаў аб правілах паводзін у натоўпе і пры пажары ў месцах з масавым знаходжаннем людзей.

Для паляпшэння ўспрымання атрыманай інфармацыі з прысутнымі правялі віктарыну «Сакрэт бяспекі».

Інспектар СПіЎГ Хоцімскага РАНС Уладзіслаў Салаўёў